Sabi nila, nangyayari ang panaginip kapag half conscious ka. Meaning malapit ka na magising. Nanaginip ako kaninang umaga. Umaga talaga eh noh?
Nagsimula yung dream na nagpakita sya sa akin. Lumapit, hinawakan yung kamay ko at ayaw nyang bitawan. Nagkkwentuhan lang kami na para bang sa wakas, dumating na ang pinakahihintay kong bagay, ang sya naman ang lumapit sa akin at magtapat na gusto nya din ako. Hindi ako gaano makatingin sa kanya kasi nahihiya pa din ako. Pasulyap sulyap lang ako at sumasagot sa mga usapan namin, hanggang sa mapansin ko na maglabas sya ng cellphone. Wala naman syang cellphone sa pagkakaalam ko eh. Kaya nagtaka ako. Hindi pa din ako makatingin sa kanya ngunit pagsulyap ko, kukunan nya ko ng litrato gamit yung cellphone. Nahiya ako kaya sabi ko stolen nalang kunwari.
Nagulat nalang ako ng biglang may lumabas sa likod ko at may ibinigay na bagay sa kanya. "Sabi ko sa inyo magagawa ko eh." sabi nya dun sa mga tao na lumabas. Sabay dating ng kapatid nya, "Ang kapal ng mukha mo, nakayanan mong gawin kay Kate yun, ang bait bait nung tao eh." yan ang sabi ng kapatid nya. Galit na galit ako at sa sobrang galit ko, nasampal ko sya ng paulit ulit. Ang sakit, akala ko totoo na. Niloloko nya lang pala ako. "Alam mong handa akong ibigay sayo kahit ano pa yan, nakahanda akong gawin ang lahat para sayo, sabihin mo lang! Bakit kelangan mo pa 'tong gawin sa akin?" galit na galit na sabi ko. "Ano ang naibigay mo sa akin? Ni wala ka pa nga nagagawa para sa akin!" sagot nya. "Aba, ang kapal mo, gusto mo ikaw pa ligawan?!" sagot na mas galit na galit at nasasaktan. Inilayo ako ng kapatid nya dun sa llugar kung nasan sya, ito nalang ang humingi ng paumanhin.
At nagising ako sa ingay ng drilling sa tapat ng bahay namin. 9am na pala. At nagtaka ako, ang bilis ng tibok ng puso ko. Grabe, kung totoo yun, ang sakit. Ang sama nya. Hindi naman nya kelangan pang pasakayin ako, kasi basta magsabi lang sya, handa akong gawin ang lahat para sa kanya, pero syempre yung tama at moral. Mahal ko eh.
